0 لقيت من اولاد هلال في ورفله


لقيت من اولاد هلال في ورفله
القصيدة لشاعر من قبيلة العبادلة


لقيت من اولاد هلال في ورفله
نحلفلك عليها باليمين وبالله
لقيت اجوادِ
طوال فايتين الطول منا غادي
ان صاحبتهم راهم اصحاب مبادي
عطيبهم يموت ولا عليك تخلى
وان جت للكرم والجو ناس سعادي
الغالي عليهم والرخيص تقله
عرب ما هي كمشة يحسبو بالوادي
تقيل روزهم ما هي عقاب محلة
تشرق تغرب في ربوع بلادي
توطيت للموجة سوى تعلى
الى تنشده ينطق من اول بادي
يقول غير طالب من قضاء ورفله
وغرب حداك العاصمة من غادي
غير زورها تقول الا محتلة
حديت واكده ما هو حديت ضراري
قدام الصغير والكبير نعله


لقيت من اولاد هلال في ورفله
نحلفلك عليها باليمين وبالله
نقول الصاير
ولا على وبر نعرف دهان بعاير
يجوز كيف ورفله هناك عشاير
غير جلوتي من مالاها اتمله
خشوش الفيافي ما عليهن كاير
قصير الخطى مش كل حد نوصله
ولا في قبائل تانيات نعاير
خيار المعارف دوس ياعبدالله
اولاد صولبة مانيش فيهم حاير
يجوني واني عندي عليهم طله
وايام الجهاد لقيت فيه اشاير
يدلن لهم عدوان بو برطله
كم جيش غازي وين جاهم غاير
ربيو الموت ولا حياة الدلة
اضعضع وتاه وكبدوة خساير
من اربع كتائب في سرية ولى



لقيت من اولاد هلال في ورفله
نحلفلك عليها باليمين وبالله
بروحه سايف
القول على الاجواد وانا عليه مرايف
ركابه الي في الخيل مالا اصياف
مكروم في الليالي ما هواته عله
شبعان جرته والوطن يبقى صايف
شعير من الغرارة هيل ما كيله
امنين ندره في فرح مالا صايف
شهير صاحبه شهره حمد بن بله
وحاضرينه عدة اصحاب وضايف
كبار من الخيل يلج ميل وزلة
وجايينه الاخبار موش طوايف
وعابر السبيل و وين صاحب زله
وصبوا الناس محرفيين ضفايف
الى هدا سلم على الرسول وصلى
يرمض تقول خلطن فيه قفايف
تهندب عليه وراسه  ماوصله
جت جمته فوق الاعدار سفايف
وناض اللحاق وزغرتتله للا
تقولك جاب ركاب لكزه خايف
تحلف مجلب جرف غير الطلة
لقيت من اولاد هلال في ورفله
نحلفلك عليها باليمين وبالله




0 comments:

إرسال تعليق

Related Posts Plugin for WordPress, Blogger...
Twitter Delicious Facebook Digg Stumbleupon Favorites More

 
Free Web Hosting