3 اهو بان (2)


اهو بان (2)


اهو بان
اهو بان الي متمايل
زاد علايل
يبقن للتاريخ دلايل
اهو بان
اهو بان الي على الوادي
الي حوشه مقابل للسوق
الي واكل من خير الوادي
في الاخير طلع مشقوق
الي جاب الظالم والعادي
كهب كيف البوم يتوق
الي ناسب لي ناس ابادي
اسماهم رقاهم لي فوق
الي ساكت واللون رمادي
توا المخطط مرشوق
الي كان مع اللون الصادي
يهتف تحت الى مشنوق
و وين القائد كان ينادي
تهجم كيف قراد النوق
طلعّنا شامي وبغدادي
وقال الحرية بنضوق
غير الجود سبق ازنادي
خفت يقولولي محقوق
لعنت ابليس دعيت الهادي
رد الى عني مفروق
وسط الدار قتلت أولادي
مغصوب وراني مخنوق
راهو كان علينا البادي
حط ضنانا في صندوق
لقيته للجردان محادي
ما يبيش الوادي يروق
وجعوني لو كان عوادي
زادوا  الفاد المحروق
لعب بيهم شيطان اولادي
خلاهم للنار طلوق
من برا جونا جرادي
لحقو طير الناتو لحوق
لقوها في المكنون تقادي
مش كيف كلام الهيدوق
الى قاللهم خشو عادي
الوادي مشتاقلكم شوق
لاقهم زغرات جرادي
الي مصلوخ الى مصفوق
سجل يا تاريخ ابلادي
وخله مايل
يرعش م الوادي متخايل
هاهو بان
اهو بان الي مغشوش
لى ناسب روحه م الحنة
لمد دحى دار عشوش
صاهر ناسب ومعادلنه
فضى احياشه جاب جيوش
وجاب الكافر بيقتلنا
حط رواجم وسط الحوس
وللسوق نصبها مقابلنا
طلع فاسد عرقه مغشوش
و وقت انحاست ما ماللنا
نبو حضرة ورانا دوش
منين تكلم بيمثلنا
وقال بسيطة ما تبوش
الساعه تخشوا وتحررنا
الى فيها مفرخ ووحوش
ولا تمهلهم لا تمهلنا
يضحك كيف حبيبه بوش
منين على بغداد تهنى
وقال بسرعه ما تبطوش
وشد الساعه بيعدلنا
وقال شطحنا ما فهموش
وقال معمر شن دارلنا
هو دكتور وحقه قروش
ويبي يركب فوق احصنة
ردينا وقلنا ما تجوش
ورانا بالقادف نستنى
معروفين وما نولوش
انكان عوادي جت تدنى
جونا لا قاهم مرشوش
اشبوب من العار بيغسلنا
عقب منهم كان المنتوش
تقطع في الوادي ردمنا
ريول احرم ما ناش اشيوش
وجايب مجيرة توكلنا
روح لامك يا مرعوش
انت مانك للنار السنة
اهو الوادي والخرطوش
الى متهايل
  خله يجي والوادي سايل
اهو بان


3 comments:

غير معرف يقول...

الله اكبر
وكان فيه حاجة ترفع الراس في البلاد الغبرة هادي هي بني وليد وهلها
دوم عزكم يا خوتي

غير معرف يقول...

بني وليد المجد والعزة

غير معرف يقول...

بني وليد قرأتها ففهمت انها الجود والكرم والاخلاق الاصيلة

إرسال تعليق

Related Posts Plugin for WordPress, Blogger...
Twitter Delicious Facebook Digg Stumbleupon Favorites More

 
Free Web Hosting