8 رد ورفله على الزنتان



خوتي داروا خوت جدد
 الحال انقد ساركوزي والحاج حمد
خوتي دار خوت اليوم ومجهولين بغير رسوم
ضنا زايد وفروخ الروم وصهيوني أباً عن جد
وباعوا الي في يوم الشوم معاهم وقفوا يد بيد
تريبنه ما حال يدوم ولا شيء على اصله يقعد
بدينا مع الزنتان خصوم علينا في الناتو يجرد
وشتمونا قدام القوم الشعر الي قاله شاهد
وما خلوا فينا معصوم ولا أستتنوا في ورفله حد
وحتى الي من اول يوم معاهم في الميدان جرد
كبيرة كان هناك خشوم عليكم يازنتان ترد
وخوتي دارو خوت جدد
خوتي دارو خوت اخرين
بهم قالوا نهدوا عالصين
وقالوا نحنا مجتمعين معمر ماعادش يقعد
ونشدوا عن ورفله وين معانا ما بتش تميعد
نسوا فيهم شيء التسعين حرم فيهم ماحد جرد
معانا ونحن مظلومين علينا القوات تحشد
تحاصرنا فوق العامين وخونا في العسلي راقد
رخونا كل الليبين من الغرب لوين مساعد
وزادوا قالوا خوانين انت غير انده ياقائد
نبيدوا ورفله في الحين أحرم منهم ما يقعد حد
لكن مازلنا حيين ومازلنا في اللوم نعد
ومازلنا نردوا في الدين ولو كاين من عاشر جد
ويكفي عزة سوف الجين وقف صبى للناتو ضد
رصف قاسي عمره مايلين عليه كل العالم شاهد
اما قولك لينا بالشين علينا يازنتان الجد
كبيرة ماحملتها عين عليها ما بالكية نرد
الا راني قاصد تبيين الكم والي عنا ناشد
شراف نظاف وليبيين علينا ما حد يزايد
نردوا في حق المسكين وخيمتنا ديما مقصد
وكلمتنا ما تصير اتنين كما الراس الي سيفه حد
ومازلنا ليوم الدين إسمانا على الوديان يبد
ومازال بقعد البازين ومازال البيت امجد
وحتى لو جارن الاسنين وعوني في الايام رقد
اسماي يرعش في الحيين التاريخ عليا شاهد
وحقي بنرده حقين بيدي مابنفزع حد
من الي هما معروفين ورا صوت الرافال خمد
وخوتي دارو خوت جدد
قتله خوتي دارو خوت غرابه
مجهولين بغير قرابة
وعدوا للدوحة وهابا
عليهم منّ الشيخ حمد
عليهم وثق دار حسابه حربة في الوطن الممتد
لي داسوا اليهود ترابه في برقة وفي وازن منحد
وخلوه الوطن على حسابة يوازي ويفرق ويمد
خسارة خوي سميح انقابه الي كاين قبلي يجرد
الي كاين معروف شرابة الي صيته ما نكره حد
مشي دار الرومان احبابه مع الناتو فينا يهدد
وزاد شنانة في رد جوابه بقوت خلاص الصف أنهد
موضحهن في الشعر اسبابه انا ما طعنا الشيخ حمد
ولا رضينا في هالعصابة ولا فرطنا في ورد الجد
وقفنا للناتو بصلابة علينا بالرافال جرد
ولا خلى حيط ولارشاده قصف قتل ما خلى حد
ومكن فينا الحق كلابه هلي معروفين لمد
كمشه سكارة نهابه فيهم ما هو غابي حد
وخوتي في الدوحة تصابي وتبايع في الشيخ حمد
وقالوا عالناتو وحرابه طيور من الله الواحد
كفر باللي نزل في كتابه ان كان والهم منكم حد
كيف جزاهم عند حسابه خرج من مله محمد
وخوتي دارو خوت جد
الحال انقد ساركوزي والشيخ حمد
خوتي دارو خوت صغار بهم قالوا نهدوا ع النار
وقالوا متخدين قرار ضروري من الحكم نجدد
ونشدوا عن عزوة دينار لفي فيسع جي منهم رد
الصف الي يقوده برنار احني بالفطرة نجوله ضد
وقلناها للناس اجهار وقلناها للي ناشد
القصه ماهي بومنيار سوى يرحل ولا يقعد
ولاقصه مال ودولار ولافزعة في خوت الجد
القصه وطن ودين وعار علي حلف الناتو جارد
نصارى ويهود وكفار معاهم هلي سماه حمد
الخنزير الندل السكار الي داره في بوه يسد
الكم منه عبرة وعبار ان كان ليكم بالخير امتد
وخوتي دارو خوت جد
الحال انقد ساركوزي والشيخ حمد

8 comments:

العاصفة يقول...

سلمك فم والله ابدع اللي قالهااا وجابهاا عالجرح

غير معرف يقول...

من ترهونة ,,, أتمنى لو كنا مثلكم لقد رفعتم رؤؤسنا عاليا ,,, حفطكم الله تعالى ومنصورين بإذن الله ,,, ترهونية حرة والله معمر وليبيا وبس

ورفليه حره يقول...

بالله عليكم فكونا من سيرة معمر معمر أنتهى وليبيا قاعدة يا ضنا سيدي ربي ايوفقكم الشعر روعه

غير معرف يقول...

سلم ضنا سيدى ياسرنا من الدوة هادى وخلونا فى ورفلة . الزنتان على حد علمى ما غلطت فينا بالعكس الوحيدين اللى ما جبدو طارى ورفلة وعلى قد ما نادوهم فى جيهة بن وليد مابوش يردو عليهم وركبو لجبلهم ومافيش قطعة سلاح طلعت من يد زنتانى لجبهة بن وليد ويوم تحرير طرابلس ورفلية بن غشير تعرضولهم مشاشية تقريبا المهم تهجموا عليهم جوهم الزنتان بالميم طاء يدافعو على خوت الجد اللى هما احنا.ويوم سوق الجمعة جوكم الزنتان مش صلحة زى ما قالو جو لعيون بن وليد. فبالله هادا ما عندنا فى البلاد غير الزنتان صح احنا مانا بحاجة حد لكن ما تفرطو فى خواية جدود على مهناك شى.الزنتان ما قصروش ولا غلطو فى ورفلة ولا بن وليد. الزنتان خوت الجد لورفلة لين ينتهى العالم ويفنى كله

غير معرف يقول...

سلام عليكم

غير معرف يقول...

اااا

غير معرف يقول...

الزنتان ماتبيع ياسيدة الشاعر المحترم وشكلك انتا مش ورفلي اصلي ومهم لااا اختلفت الطرق..... فالميعااااد وافي بين خوت الجد لامصراتي لاطرابلسي ايفرقنا وهده خوايا تقعد لي ولد الولد

غير معرف يقول...

قال الشاعر علي زنتاني بيت شعر اااا ماتقدر الزنتان ل ورفله ااااا احنا مع بعض خوت والله عيب يا بنت ورفله هکي معقول انتي من ورفله ؟ انا زنتاني ونحب خوت الجد ورفله بس والله عيب هکي علي ورفله احنا خوت مهم يکون

إرسال تعليق

Related Posts Plugin for WordPress, Blogger...
Twitter Delicious Facebook Digg Stumbleupon Favorites More

 
Free Web Hosting