3 بلادي طاجين وحماس، الموت اكداس

بلادي طاجين وحماس، الموت اكداس
للشاعر: مسعود امعيقل

بلادي طاجين وحماس، الموت اكداس
خبر واكد جاباته الناس بلادي
بلادي مصبرها، تصعب عالي بيعافرها
في العالم منقول خبرها واصل حتى في تكساس
وناديتوا النيتو حاصرها وخفتوا منها من الاساس
وحتى لو النيتو كصرها، راهو الدين وراه خلاص
بلادي طاجين وحماس، الموت اكداس
خبر واكد جاباته الناس بلادي
بلاد المليون، بلاد صولبه الارواح تهون
عليه انشد وادي ميمون، الجلهه والمحسر والراس
وجو بين ايدين المقزون، ايدين سقم فني قناص
يضرب كان على المكنون، مخليه الجوجي كسكاس
بلادي طاجين وحماس، الموت اكداس
خبر واكد جاباته الناس بلادي
بلادي شجعان، طراشيل أبادي فرسان
رجال يخشوا في الميدان نباهم في فاس ومكناس
تصدوا لي جيش الطليان الي جانا عام الغطاس
بلادي طاجين وحماس، الموت اكداس
خبر واكد جاباته الناس بلادي
بلادي طاجين
على الي جوها مرتدين، على الي جوها غزايين
وهـدوا خلاصين الدين وفيسع صفوهم الانجاس
وشن جابك لي سوف الجين من سوق الجمعة لاباس
تظن بيعطوك البازين على قلبك يعطوك رصاص
عوادي في الضرب سقيمين عرب تضرب حتى المرواص
بلادي طاجين وحماس، الموت اكداس
خبر واكد جاباته الناس بلادي
قالوا شن صار و وين عدى صالح عمار
وقالوا نقلوه التوار هلي مافيهمش احساس
تنابت ورفله الاحرار
 الخمس خماس يهدوا وان شاء الله ترداس
من الكرمة الى بن عيزار
يجوا بحماس انتصروا مرفوعين الراس
بلادي طاجين وحماس، الموت اكداس
خبر واكد جاباته الناس بلادي


3 comments:

غير معرف يقول...

خيب الله مسعاكم يامكشوفين تفتخرو بضرب اولاد بلادكم سبحان الله اللي فضحكم علي الاشهاد وخلاكم مخزيين وتاريخ معفن وانا شرقاوي لانعرف سوق جمعة لاسوق خميس انا من بنغازي اللي جردتولها اولادكم لكن خيبكم الله وتميتو شواية لادنيا لااخرة جايين يااوباش فازعين للمجرم علي مدينة خيرة اولادها من ورفلة اعرق العائلات وعاظ مساجد وقضاة من ورفلة لكن كسفكم الله وماحصلتو الا الفضيحة وقبلها علي الزاوية وجيرانكم في مصراتة انا والله نشك ان في حاجة في عقولكم انتو ناس مش صافيين كاتبلكم سيدكم ولا شن دعوتكم لان الشئ هذا مايديرش واحد صافي هو الواحد يضرب طير بسيارته في الطريق يكمل اليوم وهو زعلان انتو تقتلو في اطفال يامجرفين وتصورو انفسكم جنب جثامينهم اطفال يامجرمين يااوباش اطفال ياقتلة اطفال ثارو يبو حقوقهم من الطاغية واولاده شن دخلكم انتم جايينهم تدبحو فيهم في اجدابيا وراس الانوف والبريقة ليش هما جايينكم في بن وليد ولا خلقكم الله قطاعين ارقاب اما انتو حاجة غريبة تو جايين تكلمو علي الفرسنة والاجواد والاخلاق وان الشعب الليبي عملاء للناتو وماغيركم حد وطني ولا فارس ومابقي الا الناتو تغطو بيه عورتكم شوفو كم من نفس كلفتو بلادكم شن ضر لو كان فزعتو فزعة تكبرو بيها في عيون الناس شوفو الزنتان شوفو مصراتة بلاش هذوم شوفو مناطق واجدة خانسين لامع لاضد مش انتو اللي اليوتيوب مليان بفضايحكم الحمد اله والله تبيلكم مية عام وماقامتلكم قايمة ا الشينةما الشعر هذا ظراط وخلاص ميذكرنا الا بافعالكم

غير معرف يقول...

أنت يللي تقول انك من بنغازي ، حشاهم ضنى ورفلة ماايروا اللي اتبلى فيه انت واللى كيفك عليهم، صحيح نحن اولادنا تقدموا لجبهات القتال ولكن ليس لمقاتلة الليبيين الوطنيين بل لمقاتلة الصليبيين ومن ولاهم من الخونة والعملاء والتاريخ سجَل فيمامضى وسوف يسجل ماجرى ويكشف المستور وتجدون أنفسكم ضحايا لمؤامرة صليبية وهاهي كل يوم التقارير ترد على لسان الغرب نفسه بأنهم كانوا يقودونالمعارك البرية في ليبيا ناهيك عن الجوية والبحرية ، والله نحن ورفلة مايهون علينا دم مسلم يبال ليبي، لكن الذي استنجد بعدوء الدين ويقاتل معهم في الليبيين الوطنيين تحت غطاء طائرات الناتو ، هو من جنى على نفسه، ولكي لا أطيل بالنسبة لمعركة ليبيا سنتركها للتاريخ ، أما ورفلة ورجالها من يوم يومها رأسها مرفوع بفضل الله ، وبالك تحساب بعد حتى ليبيا ما احتلها الناتو نحن حايرين فيكم وخايفين منكم تبالله احنا انشدوا في تريسنا شد حفاظاً على وحدة ليبيا وترابها ومازال انقولوا بالك فيها عقال وتوا يستاقضوا للمؤامرة ويعودوا لرشدهم ونوحد جهودنا لتحرير وطننا ، وإلا والله نقدروا انهدوا على كائن من كان ونرحلوه من ليبيا، وبالله خلينا من الدفنقكى امتاع الصغار التاريخ كتب فيما مضى وانشد كباركم وتوا يكتب الجاي كان ماتهنوش ارواحكم وتفكوكم من سوء ورفلة.

غير معرف يقول...

قال تعالى
(لاتتخدو اليهود والنصارى اولياء ومن يتولهم منكم فهو منهم)
بالله ياشرقاوي اقرأ الاية الكريمة هذه و بعدين رد على روحك واشوف من اللي شوه تاريخه ولن تقومله قايمة.
واحني في الاخير وقفنا مع ولد بلادنا ضد الكفرة و اليهود جيوش امريكية وفرنسية وقطرية كانت على الارض ومقاطع الفيديو موجودة تبين عاركم وانتم تجارو وراهم و يامرو فيكم

إرسال تعليق

Related Posts Plugin for WordPress, Blogger...
Twitter Delicious Facebook Digg Stumbleupon Favorites More

 
Free Web Hosting