5 تو ايبان اللي متخايل


تو ايبان اللي متخايل بين الواقف بين المايل بين العشره بين الحايل
واللي قال اشبح شن قايل تو ايبان
تو اتبان اللي هرابه هلي تداعك على الحنة
 اللي كان ايهيتك بنقابه تاريته طري ما منه
 تاريته الدنيا غلابه
خايف من الراجل يدنه
 في قرزه وامسكر بابه زاد عليه القفل تهنى
 يحسابه الغازي يحسابه كان تباعد ينجي منه
تو ايجيك على دبابه وايجيك اللي تنشد عنه
 جافل خطواتك نهابه غربالك بيرك يجفنا
 تاريت العيطه كدابه في التالي بيرك يردنه
 اللي كان ايميتخ بسخابه كرعين ارحيبي داسنه
والرجباني ما نحسابه تالي الايام ايجيبنه
والنالوتية نهابه والصبراتي داير شنه
 والزاوي جارد بصحابه والتاجوري شينك غنه
 والزنتاني سكر بابه خوي الداني غافل عنه
 ملعون الكرسي واصحابه تحسابوني فازع عنه
تحساب التاريخ سحابه برمة الارياح ايقلنه
 خود اعيونه خود اهدابة
 خود دلايل يا متخايل بين الواقف بين المايل بين العشرة بين الحايل
واللي قال اشبح شن قايل تو ايبان
 تو ايبان اللي خلانه
 اللي كان ايدافع عن القايد
 في الاول مضمون رجانا
 وفي التالي من العهد البايد
 منين كان الخبار قدانا يا امعمر ماهمش وسايد
وين صار المدعك جافانا لا نفات ولا بو عايد
 يا امعيقل دونك الامانه قال عطوها لسيدي قايد
 قال اغنيه جاي ورانا لاحقنا بشيوخ عتايد
 وين الكنتر وين الدانه في عيدالفاتح تزايد
 توريين على مبدانا غير بيتك ما فيه رفايد
 كان الكفه جت يالانا تو انقولو فيه قصايد
وكنهدا الواجب تخطانا دونك ريش امعاه ودايد
دونك لخوتك وانسانا تتبيعك ما فيه فوايد
 تتبيعك في النار رمانا ملالك ما فيه ضمايد
ملالك واعر حملانه ملالك خلاف كمايد
 يا غيبه طيسه وبرهانه اللي داير مالخوت عقايد
 كان غير ايشاوخ جتمانه وايخبر بعزوم شدايد
 يحكي عالجيش اللي جانا يحكي بالمضمون وكايد
 والترهوني زاد عمانه قال تابت ماني متحايل
 تو ايبان
 اللي متخايل
 بين الواقف بين المايل بين العشره بين الحايل
 واللي قال اشبح شن قايل تو ايبان
 تو ايبان اللي غازينا يحساب البارود ابصاره
 وايبان اللي دار غبينه والجار ايخبر في جاره
 يحساب بننسو ما ضينا كل طير ايروح لدياره
 هو حاسبها باتت فينا ناسي هالدنيا دواره
يحساب الدنيا تلهينا والسيد بيلهى فى صغاره
 طارب وامسخن طاجينه فازعلي بقوام نصاره
 نادى النيتو جابه لينا جاب الحاسد والنقاره
جاب اللي مشمت فينا جاب الخانب والسمساره
جاب السكار ايورينا كيف انكونو من السكاره
 وجاب اجبالي بيعادينا
يا زنتاني خود اعباره
 وخبرنا كان تلاقينا من ردو جدك لدياره
جي جالي وايجرد فينا لاقي ورفله حضاره
 قالو القوم خدت وادينا وادينا ما فيه اماره
 قالولا دونك خلينا تو اتبان اللي نغاره
 قال خوت الجد تحامينا لخشم العادي كساره
 ما يحساب وراه دفينه ما يحساب العقب اخساره
ما يحساب وراه بشاير وايولو هالخوت ضراير
تو ايبان

5 comments:

حمزة زايد يقول...

تبارك الله شعر ولا أروع كلام في الصميم

نفتخر بيك يا ورفله يقول...

نبو دوم نرفعو رؤوسنا بيك يا ورفله أن شاء الله أيبان الحق وترجع ورفله كيف مايعرفوها الحساد

غير معرف يقول...

الله يوفقك ويفرج عنك كل كرب وينور طريقك ويرحمك دنيا واخرة ويطول عمرك فطاعته ياخونا مدير المدونة

غير معرف يقول...

كلام زى الرصاص

غير معرف يقول...

اليوم 2014/12/13 نحن نري ونعيش هذه الابيات يوم بيوم

إرسال تعليق

Related Posts Plugin for WordPress, Blogger...
Twitter Delicious Facebook Digg Stumbleupon Favorites More

 
Free Web Hosting